Jesús líklega vonsvikin

Jesús sýndi það svo sannarlega þegar hann var hér meðal mannanna að hann elskaði fólk eins og það var, og ekki dró hann fólk í dilka eftir stöðu þess í samfélaginu. Jesús sýndi þeim sem stóðu höllum fæti gangvart valdhöfum sérstakan áhuga og vildi bæta stöðu þeirra í samfélagi manna.

Nú skil ég ekki þjóðkirkjuna sem boðar orð Jesú krists.  Ég ætla samt ekki að segja mig úr þjóðkirkjunni því innan hennar starfar fólk sem er ötult baráttufólk fyrir réttindum samkynhneigðra þ.á.m. fyrir rétti til hjónavígslu í Guðshúsum. Ég vil starfa með þessu fólki, þau eiga það skilið að við skoðanasystkin þeirra stöndum nú með þeim.

En ég þarf að spyrja einhvern sem til þekkir, afhverju greiddu bara 22 með tillögunni þegar hún var borin upp af 41 presti og guðfræðingi.

Tillaga um hjónavígslu samkynhneigðra felld

Athugasemdir

[Fanney Dóra Sigurjónsdóttir, 25.4.2007 kl. 21:59]

Kannski hafa einhverjir sem skrifuðu undir tillöguna ekki komist á stefnuna... kannski var það meira í orði eða á borði... 

Ég er a.m.k. afar svekkt út í kirkjunnar menn. 

[Laufey Ólafsdóttir, 26.4.2007 kl. 00:20]

Þetta er algert hneyksli Björk. Allt var svo jákvætt í gær og svo heyrir maður þetta... þvílík vonbrigði. Mér finnst að íslenska þjóðkirkjan mætti sýna hér frumkvæði og gott fordæmi í stað þess að skýla sér á bakvið gatslitnar tuskur afturhaldsseggja og þeirra einstefnuskoðana.

[Carlos (IP-tala skráð) 26.4.2007 kl. 10:09]

Ekki komust allir sem skrifuðu undir á prestastefnuna, og ekki eru allir í þjóðkirkjunni sem skrifuðu undir. Loks höfðu ekki allir sem skrifuðu undir atkvæðisrétt. Kv. Carlos Ferrer, einn undirritenda.