Þetta er öll áhættan

Þeir sem best þekkja til vilja í 90% tilfellum kaupa. Auðvitað! Hin 10% hafa kannski ekki haft aðgang að fjármagni eða fjárfestum því við megum ekki gelyma því að það er líka láglaunafólk hjá OR.

Níu af hverjum tíu starfsmönnum Orkuveitunnar kaupa í REI

Borgarbúar segja álit sitt á morgun

Það verður aukafundur í Borgarstjórn Reykjavíkur á morgun kl. 16 þar sem fjallað verður um hugsanlega sölu á hlut borgarbúa í Reykjavík Energy Invest og rætt um vinnubrögðin við sameiningu REI við Geysir Green Energy.

Það er afar mikilvægt að borgarbúar tjái skoðun sína með því að mæta á pallanna í Ráðhúsinu. Meirihlutinn er ekki búin að taka ákvörðun þó svo Hannesaræskan sem sprangar nú um keik á stuttbuxunum sínum, hafi tekið ákvörðun fyrir hönd sjálfstæðismanna í borginni. Enn á eftir að heyra endanlega í öðrum manni minnihlutans í meirihlutanum þ.e. Birni Inga fulltrúa Framsóknarflokksins. Almenningur getur haft raunveruleg áhrif á það hvort REI verði selt til einkaaðila og þar með jarðvarminn undir Reykjanesi. Þá verður tekin sú grundvallarumræða hvort félag í sameign borgarbúa megi græða á þeirri þekkingu sem hún sjálf hefur skapað eða hvort það eins og önnur fjárhagsleg verðmæti eigi einungis að vera í höndum einkaaðila sem virðast hafa fengið einkaleyfi á öllu sem gefur arð.

 Sjáumst á morgun kl. 16.

Er einkaleyfi á því að græða?

Ég trúi ekki að fulltrúar Sjálfstæðisflokksins í Borgarstjórn Reykjavíkur ætli að selja auðmönnum landsins allan framtíðarjarðvarma Suðurnesja. Það eiga þeir að fá í kaupbæti yfir hlut OR í REI enda á Geysir Green Energy forkaupsrétt að hlutnum og auðvitað vilja þeir kaupa. Ég sé fyrir mér dollarabrosið þegar þeir skála eftir undirritun samninga um leið og þeir hlægja að vitleysisgangi borgarfulltrúa Sjálfstæðisflokksins.

Við megum alls ekki selja á næstunni. Í sameiginlegu fyrirtæki okkar borgarbúa hefur skapast ómetanleg þekking sem hægt er að nýta til jákvæðrar útrásar. Mikilvægt er að leyfa þeirri þekkingu að skapa þann auð sem vænst er, áður en við seljum.

Það er í lagi að opinbert fyrirtæki græði þegar það hefur unnið fyrir því. Við megum ekki láta eins og það sé einkaleyfi hjá örfáum aðilum að græða. Það er bara vilji Hannesaræskunnar sem ræður ríkjum í Ráðhúsi Reykjavíkur.

Eiga forkaupsrétt á hlut Orkuveitunnar

Það jákvæða: fulltrúi borgarbúa inn - góðvinurinn út

Loksins er búið að taka ákvörðun í borgarstjórnarflokki Sjálfstæðisflokksins að það verði kjörinn fulltrúi borgarbúa sem gæti milljarða hagsmuna þeirra í stjórn OR. Það var algert hneyksli að góðvinur borgarstjóra skyldi fá það embætti að gæta hagsmuna borgarbúa í stærsta fyrirtæki þeirra, hagsmuna sem eru upp á tugi milljarða króna. Að kjörnir fulltrúar hafi látið það yfir sig ganga hingað til er með ólíkindum. En þetta er það jákvæða í útspili borgarstjórnarflokksins.

Að selja/einkavæða hluta OR er hins vegar það versta sem gert er í stöðunni. Fjárhagslegir hagsmunir Orkuveitunnar/borgarbúa eru hafðir að engu en ofurríka fólkinu gert mögulegt að kaupa enn meira til að hagnast á þeirri þekkingu og reynslu sem hefur orðið til í opinberu fyrirtæki. Ég trúi því ekki að Björn Ingi munu láta það yfir sig og borgarbúa ganga. Nú hefur Björn Ingi það val að öðlast uppreisn æru eða að fara úr öskunni í eldinn.

Stefnt að því að selja hlut Orkuveitunnar í REI

Minnihlutinn í meirihlutanum í vanda

Ég trúi því ekki að minnihlutinn í meirihlutanum muni samþykkja að selja hlut OR í REI og leyfa þar með auðmönnum landsins að skipta milli sín enn stærri köku. Þá færu Vilhjálmur og Björn Ingi úr öskunni í eldinn. Almenningur mun aldrei sætta sig við gjörning sem er í raun sá að banna almenningi að græða á nýsköpun og útrás en leyfa hinum ríka að verða enn meira ofurríkari.

Hins vegar er í lagi að selja hlut okkar í OR þegar hann hefur skilað sínu.

Fundur borgarfulltrúa Sjálfstæðisflokksins að hefjast

Það var vaðið á drullugum skónum

Ég veit það fyrir víst að það var vaðið yfir fulltrúa sjálfstæðismanna í borgarstjórn í samrunaferli REI og GGE. Fulltrúar meirihlutans, nema minnihluti hans Björn Ingi og Vilhjálmur, fengu engar upplýsingar um kaupréttarsamninga né aðrar hliðarákvarðanir sem teknar voru. Þá var búið að ganga frá sameiningunni áður en meirihlutinn fékk fréttirnar. Það átti því ekki að vaða yfir þau - það var vaðið á drullugum skónum.

Átti að vaða yfir okkur

Er Björn Ingi sammála?

Er ekki viss um að Björn Ingi verði sáttur við þessa afstöðu ráðherra þ.e. málið hafi verið unnið í allt of miklum flýti og að OR eigi að draga sig strax út úr útrásinni. Hingað til hefur verið rætt um óánægju meirihluta sjálfstæðismanna í borgarstjórnarflokknum við borgarstjóra en minna verið rætt um ágreiningin milli þess sama meirihluta við fulltrúa Framsóknarflokksins. það verður gaman að fylgjast með þegar menn koma frá keisarans höllum í Kína.

Þorgerður Katrín: Of geyst farið í samruna GGE og REI

Framsóknarfnykur

Það er mikið talað um óeiningu innan Sjálfstæðisflokksins vegna samruna REI og GGE. Ekki kannski skrýtið enda mikil reiði í herbúðum þeirra, en ekki bara út í borgarstjóra. Reiðin beinist ekki síður að fulltrúa Framsóknarflokksins í stjórn OR sem virðist rekast áfram af gengdarlausri valda- og peningagræðgi. Lítið er hugað að hagsmunum borgarbúa sem eiga fyrirtækið og því er ekki verið að hafa fyrir því að tala við fulltrúa þeirra sem eru kjörnir til að gæta hagsmuna þeirra. Framsóknarstrákarnir njóta þess bara að vera í big-business leik, sér og sínum til hagsbóta. Þetta er framsóknarfnykurinn sem olli því að þessi sami fulltrúi sem hefur 51% völd í Reykjavík fékk bara 6% fylgi í kosningum. Hvar er lýðræðið???

Fá að kaupa hlut í REI fyrir 10 milljónir

Fáránlegt kerfi

Hvers eiga eldri borgarar að gjalda? Hver ber ábyrgð á því að árlega séu tekjuupplýsingar Tryggingastofnunar ekki í tengslum við raunveruleikann? Sá eða sú þyrfti að fá uppsagnarbréf hið fyrsta.

Vona síðan að málefni almannatrygginga verði betur borgið þegar lífeyrismálin fara í Félagsmálaráðuneytið. Tek heilshugar undir kröfur landssambands eldri borgara sem kynntar voru í gær þess efnis.

Árleg martröð aldraðra

We are the champions

ÞRÓTTUR ER UPPI !!!

Þróttur í Landsbankadeildina - Reynir féll