Eitthvað í loftinu?

Það er eitthvað í loftinu - bæði úti og inni - sem segir mér að Samfylkingin sé sá flokkur sem muni sigra í vor. Frábærum landsfundi var að ljúka þar sem gestir og samflokksmenn komu fram og blésu baráttuandann yfir okkur landsfundarfulltrúa. Kannski kom andinn með þessari hressilegu austanátt sem gekk yfir suðvesturhornið nú um helgina. Það er a.m.k. fyrir austan okkur sem jafnaðarstefnan hefur blómstrað og skipt sköpum í mótun velferðarsamfélaga.

Já það er gott að vera í Samfylkingunni - ég er tilbúin að að berjast  fyrir sigri hennar nú í vor. Það þarf aukin jöfnuð á Íslandi, endurreisn  almannatrygginga,  breytta forgangsröðun  þannig að það fólk sem byggði  upp samfélagið  þurfi ekki að vera á biðlistum eftir  nýjum hnjáliðum eða hjúkrunarrými.

 X-S þann 12. maí. 

Athugasemdir

[Guðfinnur Sveinsson, 16.4.2007 kl. 00:03]

Heyr heyr! Berjumst saman svo að jafnaðarmannastefnan taki við stjórn landsins!

[Páll Einarsson, 16.4.2007 kl. 02:36]

Samfylkingu til sigurs ! Trúi ekki öðru en að málefni samfylkingarinnar eigi eftir að ná til fólksins í landinu.

[Guðmundur Auðunsson, 16.4.2007 kl. 22:01]

Það er vissulega eitthvað í loftinu Björk, en ég held að það verði nú varla Samfylkingin sem muni standa eftir sem beinn sigurvegari þessa kosninga, gerist varla að flokkurinn fái yfir 30% atkvæða eins og síðast. Enda skiptir það minnstu máli fyrir mig persónulega hvernig vinstriflokkarnir tveir skipta atkvæðunum innbyrðis. Það sem skiptir mig mestu máli er að V og S nái vel yfir 40% atkvæða samtals, helst yfir 45%. Það er vel mögulegt. Svo er auðvitað forgangsverkefnið að fella ríkisstjórnina, það er lífsnauðsynlegt.

Vinstrimenn til sigurs!