Er nágrannalýðræðið of mikið?

Við Reykvíkingar erum alveg búin að tapa okkur í eigin einstaklingshyggju sem er að koma alvarlega niður á meðbræðrum okkar. Kaffistofa Samhjálpar er skjól fyrir tugi einstaklinga á hverjum degi og hefur ekki verið til vandræða á Hverfisgötunni hingað til - nema síður sé. Það er því með ólíkindum að fólk vilji ekki hafa þessa starfsemi í nálægð við sig og það komi í veg fyrir að Reykjavíkurborg og Samhjálp geti keypt nýtt húsnæði undir þessa nauðsynlegu starfsemi. 

Það hefur verið reynt í a.m.k. tvö ár að finna nýtt húsnæði en ekkert gengið. Ótal hús hafa verið skoðuð en ekkert gengið í að ná samningum um kaup. Ég held að nágrannalýðræðið sé orðið of mikið. 

Kaffistofu Samhjálpar lokað

Athugasemdir

[ark (IP-tala skráð) 6.9.2007 kl. 22:12]

Ég er alvarlega að spá í hvort ríkisstjórnin og vel stæðir borgarbúar séu að tapa ærunni?

Afi lagði mikla áheirslu á að maður héldi ærunni,, og að þessi þjóð mætti aldrei tapa ærunni né samstöðunni. Hann trúði því að daginn sem eiginhagsmunasemin yrði almennt sterkari en hjálpsemin, mundi þjóðin þurfa að horfast í augu við náttúruhamfarir, til að læra aftur að standa saman. "Vættir þessa lands sjá fyrir því, og þannig hefur það alltaf verið og þannig verður það áfram." sagði hann.

Þessi orð koma sífellt upp í höfuðið á mér þegar ég sé fréttirnar þessa dagana......

[Guðni Már Henningsson, 6.9.2007 kl. 22:24]

Það er ótrúlegt að ekki hafi fundist húsnæði undir þessa stórkostlegu starfsemi sem Samhjálp hefur staðið fyrir. Nú skora ég á ykkur kjörna borgarfulltrúa að ganga srax í málið. Þakka þér fyrir að slrifa um þetta. Kveðja Guðni Már

[Íbúi á Njálsgötu. (IP-tala skráð) 6.9.2007 kl. 22:26]

..Nágrannalýðræði of mikið?.........ekki var nú nágrannalýðræðinu fyrir að tefla þegar borgin ákvað að kaupa Njálsgötuna í sumar fyrir virka eiturlyfjafíkla.....130 nágrannar skrifuðu undir mótmæli sem voru hunsuð.....!

Það er náttúrulega bara betra að láta ykkur stjórnmálamennina ákveða fyrir okkur lýðinn hvað sé okkur öllum fyrir bestu.

Lifi lýðræðið.!

[ark (IP-tala skráð) 6.9.2007 kl. 22:52]

Ég er sammála þér Íbúi á Njálsgötu. Það er ekki skinsamt að hafa þennann rekstur nálægt leikvelli. Og það er alvarlegt að undirskriftirnar voru hundsaðar. Ég hvet ykkur til að skrifa 130 athugasemdir í 130 umslögum, það er "ólöglegt" að hundsa það!

Í alvöru!!!             ÞAÐ er víst líðræðið !

bara smá ´´hint (ráð)

[Ása Hildur Guðjónsdóttir, 8.9.2007 kl. 20:30]

Já Björk þetta er til skammar og stórundarlegt að borgarstjórn skuli ekki vera fyrir löngu búin að finna húsnæði fyrir þessa starfsemi.

Ég og þú vitum báðar að þessi kaffistofa hefur bjargar lífi margra og er mjög mikilvæg fyrir þá sem minnst mega sín í þessu þjóðfélagi okkar.

Er þetta ekki bara spurning um forgangsröðun, hvað þurfa margir heimilislausir að deyja áður en yfirvöld finna þessari starfsemi og annari svo sem gistiskýlum fyrir bæði kynin gott húsnæði.? Þar sem aðstaða er til að sinna þessum einstaklingum og hjálpa þeim til betra lífs þegar þau eru tilbúin til þess.

Samhjálp er að vinna stórkostlegt starf og eiga mikinn heiður skilið.