Góðir grannar

Á unglingsárum mínum á Blönduósi þotti fínt að líta niður á Skagstrendinga og ég hef rökstuddan grun um að því hafi verið öfugt farið á Skagaströnd. Þannig var hrepparígurinn í þá daga milli þessara tveggja kaupstaða í Austur Húnavatnssýslu.

Seinna komst ég að því að Skagstrendingar eru ekkert ólíkir okkur Blöndósingum, þó mun fleiri þar hafi migið í saltan sjó, enda fiskveiðar þeirra lifibrauð.

Ég óska Skagstrendingum til hamingju með nýja nafnið á sveitarfélaginu - nú loks eru þeir í raun réttnefndir.

Nafni Höfðahrepps breytt í Skagaströnd

Athugasemdir

[Ása Hildur Guðjónsdóttir, 11.9.2007 kl. 20:51]

Ó ertu að norðan

Ég man líka vel þennan ríg

Maður kíkti nú ekki einu sinni á lúðana af Skagaströnd

Og man líka vel ríginn um austur og vestur sýsluna. Fannst hrikalegt að Víðihlíð sem ég stundaði mikið á mínum sokkabandsárum skildi vera í vestursýslunni

Gott að skoðanir okkar hafa þroskast

[Guðrún Helgadóttir, 13.9.2007 kl. 08:47]

Það eimir stundum eftir af þessu í pólitíkinni - einstaka menn vaxa ekkert uppúr þessu. Eftir allar þær breytingar sem hafa orðið með sameiningu sveitarfélaga hefur fólk þurft svolítið að skilgreina sig uppá nýtt og sjá að það á fleiri samastaði í tilverunni en gamla hreppinn sinn. Þó hann hætti ekki að vera til í hugskotinu.