78% undir fátækramörkum

78% Palestínumanna lifa undir fátækramörkum. Þegar fátækramörk eru skilgreind fer það eftir efnahag þess samfélags sem í hlut á. Fátæktin í Palestínu er því ekkert lík því sem við þekkjum hér á landi, þó svo ég vilji ekki gera lítið úr henni. Fátæktin í Palestínu kemur í veg fyrir að fólk nærist, fólk veikist og fær ekki læknisaðstoð. Fátæktin kemur í veg fyrir menntun fólksins og grefur undan möguleikum á friði. Þetta eru staðreyndir sem fram koma í fréttum en hafa ótrúlega lítil áhrif í alsnægtasamfélagi okkar. Sjálf hef ég horft upp á fátækt Palestínumanna í tveimur ferðum mínum til Palestínu og maður verður ekki samur á eftir.

Öll aðstoð við Palestínumenn kemur í góðar þarfir, líka litlar 4 milljónir. En rosalega þurfum við að auka þátt okkar í aðstoð við Palestínumenn og aðra sem búa við álíka hörmungar sem oftast má rekja til innrásar annarra ríkra ríkja.

4 milljónir til neyðarstarfs í Palestínu

Athugasemdir

[Emelia Einarsson, 18.9.2007 kl. 15:27]

Og það er ekki bara um eina kynslóð að ræða. Það sem þú skrifar vekur umhugsun.