Það jákvæða: fulltrúi borgarbúa inn - góðvinurinn út

Loksins er búið að taka ákvörðun í borgarstjórnarflokki Sjálfstæðisflokksins að það verði kjörinn fulltrúi borgarbúa sem gæti milljarða hagsmuna þeirra í stjórn OR. Það var algert hneyksli að góðvinur borgarstjóra skyldi fá það embætti að gæta hagsmuna borgarbúa í stærsta fyrirtæki þeirra, hagsmuna sem eru upp á tugi milljarða króna. Að kjörnir fulltrúar hafi látið það yfir sig ganga hingað til er með ólíkindum. En þetta er það jákvæða í útspili borgarstjórnarflokksins.

Að selja/einkavæða hluta OR er hins vegar það versta sem gert er í stöðunni. Fjárhagslegir hagsmunir Orkuveitunnar/borgarbúa eru hafðir að engu en ofurríka fólkinu gert mögulegt að kaupa enn meira til að hagnast á þeirri þekkingu og reynslu sem hefur orðið til í opinberu fyrirtæki. Ég trúi því ekki að Björn Ingi munu láta það yfir sig og borgarbúa ganga. Nú hefur Björn Ingi það val að öðlast uppreisn æru eða að fara úr öskunni í eldinn.

Stefnt að því að selja hlut Orkuveitunnar í REI

Athugasemdir

[Fríða Eyland, 8.10.2007 kl. 19:55]

Ég skil ekki hvert þú ert að fara hérna Björk  

[Sigurður Viktor Úlfarsson, 8.10.2007 kl. 20:16]

Spurningin snýst um það hvort OR (a.k.a. borgin) ætlar að vera með í þessari útrás og hvort OR (a.k.a. borgin) ætlar að hagnast á henni eða hvort hún ætlar að sitja þæg og góð á hliðarlínunni og láta FLGroup og félaga í GGE eiga völlinn og hyrði allan hagnaðinn.

Ef Sjálfstæðismenn hefðu viljað skipta Hauk út fyrir Júlíus Vífil þá hefðu þeir getað það hvenær sem er og það hefur ekkert með þetta mál að gera - NEMA - að það sé undirrót allra þessarar ólgu og að þetta sé einfaldlega valdabrölt í borgarstjórnarflokki Sjálfstæðismanna.  Þá ættu þeir alla vega að sjá sóma sinn í því að gæta hagsmuna Reykjavíkurborgar en ekki kasta þar milljörðum á glæ.  Þeir skipuðu Hauk upphaflega og gátu auðvitað breytt því hvenær sem er.  Til þess þurfa þeir ekki að hafa milljarða af Reykjavíkurborg.

Það er rétt, þetta virðist vera í höndum Björns Inga að bjarga þessum verðmætum og tryggja að þessi fáránlega hugmynd verði ekki að veruleika, þ.e. að OR bakki út úr þessu og taki ekki þátt í orkuútrásinni.  Við erum að tala um að gangi áætlanir eftir verði Reykjavíkurborg af milljörðum í tekjur sem væri hægt að nýta til byggingar á skólum, leikskólum og öðru sem borgin þarf á að halda.

[Kristjana Bjarnadóttir, 8.10.2007 kl. 21:21]

Þetta með að skipta út er náttúrulega bara hallærislegt sjónarspil. Eitthvað urðu þeir að gera. En málið snerist bara ekkert um þetta. Eins og þú bendir á ætla þeir bara að selja þetta strax, eins og kannski stóð til en nú geta þeir látið eins og það sé lausnin.

Svo segja þeir að þetta sé ekkert svo mikil verðmæti, bara kannski. Samt tímir Bjarni Ármannsson að leggja 500 millj. í þetta. Það segir mér nóg.

Þetta er nefnilega aðalatriðið. Það er verið að hafa verðmæti af borgarbúum, beint fyrir framan nefið á þeim, Vilhjálmur hvítþvær sig (sbr vesældarlega útkomu í Kastljósi áðan), allt Birni Inga að kenna. Björn Ingi verður að kyngja öllu og getur ekki annað en látið að vilja Sjálfstæðismanna, annars missir hann tilveruna í meirihlutanum. 

Hvað ætlar almenningur að gera? Ég væri til í eitthvað róttækt, gamaldags útifund eða eitthvað þar sem fólk getur látið óánægju sína í ljósi.

[Heidi Strand, 8.10.2007 kl. 21:23]

Það verður alltaf góðra vina fundur með Villa veislustjóra.

[Björk Vilhelmsdóttir, 8.10.2007 kl. 22:03]

Já það verður full ástæða til þess að mótmæla. Það er verið að einkavæða OR a.m.k. hluta hennar og að venju eiga auðkýfingar að kaupa á undirverði.

[Jensen (IP-tala skráð) 8.10.2007 kl. 22:48]

Þessa heyrði ég fyrir mörgum árum.

MÖRG ER MANNVERAN SNAUÐ

MAGNAST HATUR 'A JÖRÐ

HLÝTUR ORÐUR OG AUÐ

ANDLAUS MANGARAHJÖRÐ. 

[Sigurður Viktor Úlfarsson, 8.10.2007 kl. 23:25]

Fyrirtækið er ekkert mikils virði í augnablikinu.  Það er varla orðið til.  Í dag er það ekkert nema VÆNTINGAR um hagnað.  Hvað það verður orðið eftir 2-5 ár er allt annað mál. 

Þar sem þetta byggist allt á væntingum er auðvitað nær útilokað að meta verðmæti þess svo eitthvað vit sé í.  Menn eru fyrst og fremst að leggja upp í langferð saman sem miklar líkur eru á að endi vel.  Það að OR selji sinn hlut núna getur hins vegar haft mjög slæm áhrif á þetta ferli auk þess sem OR tapar öllum þeim hagnaði sem væntingar eru um.  Sé eitthvað vit í kollinum á þeim Sjálfstæðismönnum þá halda þeir ferðinni áfram og leyfa eigninni að verða til.  Annars kasta þeir hagsmunum borgarbúa út um gluggann.

Kristjana, auðvitað voru stjóraskiptin aðalmál.  Gæti reyndar vel verið að þau væru ástæða þessarar valdabaráttu í borgarfulltrúahópi Sjálfstæðismanna.  Nú er Villi kominn á hnén og Júlíus kemur og tekur við.  Vitið þið til, Júlíus mun leiða D-listann í næstu kosningum en ekki Villi.  Það er búið að slá hann af.

[Magnús Paul Korntop, 9.10.2007 kl. 03:18]

BURT MEÐ BORGARSTJÓRANN OG SJÁLFSTÆÐISFLOKKINN

[Björk Vilhelmsdóttir, 9.10.2007 kl. 08:39]

Ég held að allir, nema stuttbuxnadeildin innan Sjálfstæðisflokksins, séu æfir í dag. Nú er orðið ljóst að ef hlutur OR á að seljast þá fer hann ásamt jarðvarma (núverandi og um alla framtíð) Suðurnesja til Geysir Green Energy sem aftur er í eigu helstu auðmanna landsins.

[Sævar Helgason, 9.10.2007 kl. 08:55]

Er þetta ekki einmitt plottið mikla ?, að spila málinu í þennan farveg ?

Ef fer sem nú horfir eignast GGE (Geysir) alla Hitaveitu Suðurnesja með manni og mús.þ.e . virkjanirnar,dreifirkerfið og síðast en ekki síst sjálfa orkuauðlindina á Reykjanesskaganum,varanlega.  Þar með er sjálf orkuauðlindin komin í einkaeign og í eigu erlendra aðila. Sjálfum finnst mér að þetta séu landráð.

Og pólítíkusarnir sem eru með sín frumvörp í vasanum varðandi samfélagslega eign okkar á orkuauðlindunum ..hvar eru þeir og hvurs er að vænta úr þeirri áttinni ? Er leikurinn tapaður fyrir þjóðina ?