Ofsatrú gegn fóstureyðingum

Það er sorglegt að Geir Haarde forstæðisráðherra skuli ekki átta sig á stöðu kvennanna sem voru misnotaðar kyhferðislega í Byrginu og eignuðust börn í kjölfarið. Hvort þær hefðu orðið barnahafandi hvort eð er - er ekki málið. Við megum ekki gleyma einni hliðinni á því ofbeldi sem hefur viðgengist í Byrginu eins og víða þar sem ofsatrúarfólk kemur saman. Þar var konum neitað um sjálfsagðan rétt sinn til fóstureyðingar, þó svo þær hafi verið misnotaðar kynferðislega. Konurnar sem urðu þungaðar af völdum starfsmanna Byrgisins áttu ekkert val, karlarnir boðuðu algert bann við fóstureyðingum.

Þetta gerist hér á landi en batnandi Portúgölum er best að lifa.  Ríkisstjórnin þar ætlar að heimila fóstureyðingar þó svo að þjóðaratkvæðagreiðslan hafi ekki verið bindandi. En 60% þeirra sem tóku þátt vildu heimila fóstureyðingar. Til hamingju portúgalskar konur!!!

Athugasemdir

[Fanney Dóra Sigurjónsdóttir, 12.2.2007 kl. 14:13]

Já, þetta er punktur sem má ekki gleymast.

Ég hlustaði einmitt eftir þessu í fréttum í gær, um þjóðaratkvæðagreiðsluna í Portúgal. Gleðiefni að ákveðið var að heimila þessar aðgerðir. Þrátt fyrir að langstærstur hluti landsins sé kaþólikkar þá er þetta spurning um val, ekki satt?

[Guðfinnur Sveinsson, 13.2.2007 kl. 01:51]

Heyr, heyr!

[Svava S. Steinars, 14.2.2007 kl. 00:58]

Þetta er skref fram á við fyrir katólskt land.  Kannski fara þessi lönd að hrista af sér hlekki fortíðar og færa hugsunarháttinn nær nútímanum.