Samganga í Laugardal

Í dag laugardaginn 24. mars kl. 13 ætlum við Jóhanna Sigurðardóttir alþingismaður ásamt fríðu föruneyti að ganga um Laugardalinn undir stjórn Guðnýjar Aradóttur stafgöngukennara. Á eftir verður farið í heita pottinn og rætt um stöðuna í pólitíkinni. Ekki er nauðsynlegt að mæta með göngustafi og gangan er sérstaklega hentug þeim sem eru með börn í vögnum, kerrum og eða hjólum. Mikið hlakka ég til!

Við hittumst við anddyri Laugardalslaugarinnar - enda sund að lokinni göngu!!! 

Samfylkingin stendur nú fyrir samgöngum alla laugardaga kl. 13 - 14. Gengið er um hin ýmsu hverfi borgarinnar undir stjórn þeirra sem þar þekkja til. Frábær leið til að koma sér á af stað á laugardegi og vera í samskiptum við gott og jákvætt fólk. 

Athugasemdir

[Andrea (IP-tala skráð) 24.3.2007 kl. 00:50]

Ég óska ykkur góðrar gönguferðar í okkar frábæra Laugardal.  Vil samt að þið lítið vel í kringum ykkur og hvort ekki séu komnar of mikið af afgirtum svæðum,  bílastæðum og stórum byggingum. Þetta er jú einn skjólsælasti staður borgarinnar og kannski ekki þörf á byggja of mikið.  Opin leiksvæði fyrir börn, eru þau einhver i dalnum?

[Edda Agnarsdóttir, 24.3.2007 kl. 10:40]

Frábært hjá ykkur. Skemmtileg og góð hugmynd til að eiga góða samveru.

[Guttormur, 24.3.2007 kl. 16:15]

Verð með ykkur í anda

[Kristín (IP-tala skráð) 24.3.2007 kl. 18:08]

hefði nú alveg verið til í að labba með ykkur, en fer bara minn rúnt á Blönduósi í staðin. 1000 kossar (999 til Sveins og 1 til þín :-)

[Inga Lára Helgadóttir, 25.3.2007 kl. 22:10]

Þú ert Breiðhyltingur eins og ég, verður eitthvað svona í Breiðholtinu ? Ég væri til í að heyra líka í Jóhönnu, hún hefur unnið svo vel að félagsmálum hér áður og er hörð baráttukona !

[Inga Lára Helgadóttir, 25.3.2007 kl. 22:11]

Er einmitt í félagsráðgjöf í Háskóla Íslands og hef áhuga á þeim málefnum sem ég er að læra um...

[Bjarni Kjartansson, 27.3.2007 kl. 13:51]

Þið getið þá prófað nýja pottinn í Laugardalslauginni, hann er fullur með hituðum sjó.

Verið ævinlega velkomin  og njótið dvalarinnar, allir hafa taugar til Laugardalsins og er þar afar viðkvæm perla á ferðinni.  Vonandi tekst mönnum að vernda hana þannig að afkomendurnir geti einng notið hennar.

kveðjur

Bjarni