Skautað á nagladekkjum

Ég verð að fá að svara samborgurum mínum sem hafa tröllatrú á nagladekkjum í hálku eins og myndaðist í morgun. Ég bý í Efra Breiðholti og lagði af stað frá heimili mínu kl. 8.01 (11 mín of seint) í morgun. Umferðarteppa hafði myndast þar sem bílar gátu vart keyrt niður brekkuna úr Hólahverfi niður að Höfðabakka. Á undan mér voru 2 bílar á nöglum sem bókstaflega skautuðu niður brekkuna og gat ég ekki séð aðra ástæðu en einmitt nagladekkinn. Ég á mínum litla Subaru sem er raunar fjórhjóladrifin keyrði rólega niður án þess að renna / skauta, enda á ónelgdum vetrardekkum.

Meira að segja á dögum sem þessum er erfitt að réttlæta nagladekk a.m.k. ekki í bröttum brekkum. En mest um vert er þó að ekki hafi hlotist alvarleg slys á fólki í þessari miklu hálku. Ég vona að okkar æðri máttur verði yfir okkur öllum í umferðinni það sem eftir lifir dags.

Tafir og umferðaróhöpp einkenndu umferðina í morgun

Athugasemdir

[keli (IP-tala skráð) 27.3.2007 kl. 15:26]

Ég bý líka í efra-Breiðholti og þeir sem skautuðu og komust ekki af stað voru á ónegldum dekkjum, það sá ég. Fjórhjóladrifið á bílnum þínum skiptir mestum sköpum, láttu mig þekkja það, enda er ég búinn að vera atvinnubílstjóri í nærri 20 ár.

[keli (IP-tala skráð) 27.3.2007 kl. 19:10]

Kæri slembinn, þú hefur kanski ekki lesið að ég skrifa "komust ekki af stað" og þess vegna var ég að tala um fjórhjóladrifið.

[biggi (IP-tala skráð) 27.3.2007 kl. 20:38]

Var á ferðinni í hina attina upp í breiðholt og ég hef aldrei lent í öðru eins því yfirleitt er ég 2 mín að aka Vesturbergið en í morgun voru það 30 mín og það voru allir greinileg að skauta hvort sem það var strætó einkabíllinn eða atvinnubílstjórinn.