Samstíga um græn skref

Umhverfisráð Reykjavíkurborgar kynnti í dag græn skref - aðgerðaáætlun til að gera umhverfi og náttúru Reykjavíkur enn betri. Um tillögurnar er pólitísk samstaða því ekkert er mikilvægara í umhverfismálum en að fólk stígi samstíga til jarðar. Þau skref sem nú voru kynnt byggja m.a. á endurskoðun staðardagskrár “Reykjavík í mótun” sem var stefnumótun borgaryfirvalda og borgarbúa um sjálfbært samfélag. Þar komu borgarbúar með hugmyndir sem hér ná fram í aðgerðaáætlun umhverfisráðs.  

Helstu málin í aðgerðaáætluninni eru: Miklu betri Strætó - Verðlaunum visthæfa bíla - Göngum lengra, hjólum meira - Lifandi og skemmtileg borg - Betra loft fyrir alla - Meiri endurvinnsla - Visthæfari leik- og grunnskólar - Byggjum vistvæn hverfi - Höldum borginni hreinni - Reykjavíkurborg verður til fyrirmyndar.

Fögnum eindregið þessum tillögum sem byggja á Reykjavík í mótun.. Aðgerðir í umhverfismálum þurfa að vera þverpólitískar og unnar í samráði við íbúa. Því er mikilvægt að um þessar tillögur verði samstaða – umhverfið og náttúra okkar eiga það skilið. 

Fram kom á blaðamannafundi í dag að kostnaður við þessi grænu skref muni hlaupa á hundruðum milljóna. Ekkert koma fram í  nýlegri 3ja ára áætlun sem benti til þess og nú þarf því að fylgja því eftir að fjármagn komi til þessara góðu grænu skref

Athugasemdir

[Guttormur, 11.4.2007 kl. 21:07]

Sæl Björk,

Þetta eru sannarlega metnaðarfull græn skref hjá borginni. þar segir m.a.Í stefnu Reykjavíkurborgar segir m.a.
"VISTHÆFARI LEIK- OG GRUNNSKÓLAR
Lóðir grunn- og leikskóla verða endurbættar. Skólar munu markvisst bjóða upp á lífrænt ræktuð matvæli og birta næringargildi fæðunnar á heimasíðu. Öll hverfi fá eigið náttúrusvæði til útikennslu og umhverfisfræðslu. Allir leikskólar í Reykjavík munu nota vistvæn efni við þrif. "   Okkur Langar að fá að halda í túnið til að girða ekki fyrir möguleika Langholtsskóla,  þar er nú þegar metnaðafullar áætlanir um útikennslu og með skólagarðana við túnfótinn, þetta ætti ekki að geta verið betra, ekki satt?

Er borgin svona tvískipt að skipulagsráð veit ekki hvað umhverfisráð er að gera og svo einnig menntaráð sem gaf Langholtsskóla styrkinn?  Einnig vantar eitthvað upp á samráðið,  það hefur ekki enn borist til okkar.

kveðja

Andrea