Baráttukonan Bryndís

Frábært hjá Bryndísi Ísfold fulltrúa Samfylkingarinnar í Mannréttindanefnd að setja þetta mál á dagskrá og fá samþykkt að farið verði í aðgerðir til að sporna gegn nauðgunum í og við skemmtistaði borgarinnar. Þetta er þó ekkert flokkspólitískt mál, en það þarf öflugan feminísta til að berjast áfram í þessum málaflokki þannig að það skili árangri. Ég er stolt að minni konu.

Sporna á við kynferðisofbeldi á skemmtistöðum borgarinnar

Athugasemdir

[Hvumpinn, 14.9.2007 kl. 11:43]

Ja há, er þetta ekki konan sem taldi fé skattborgara og tíma kjörinna fulltrúa vel varið í að ræða að setja mynd af konu í gangbrautarljós?

Alveg dæmigerð gæluverkefna vinstri kona, tilgangslaus í pólitík (reið ekki feitum hesti frá prófkjöri ef ég man rétt) og alltaf til í að sólunda fé skattborgara. 

Þurfum færri svona pólitíkusa

[Edda Agnarsdóttir, 16.9.2007 kl. 11:05]

Frábært framtak og frábær umræða um öryggi þjóðfélagsþegna.

[Guðrún Helgadóttir, 17.9.2007 kl. 13:03]

Það er margt óunnið varðandi endurreisn hjartans í höfuðborginni okkar og þar verður að gera kröfu að eigendur skemmtistaða taki að ábyrgð á öryggi gesta sinna. Hvort sem það er með öryggismyndavélum, eða bara að ráða nógan mannskap til að sinna þjónustu, eftirliti og þrifum þannig að staðirnir hætti að líta út og lykta eins og búllur!